Telegram-ի հիմնադիր Պավել Դուրովը փոխել է մեսենջերի իր պրոֆիլի լուսանկարն այն բանից հետո, երբ ռուսական ուժային կառույցները հայտարարեցին ահաբեկչությանն աջակցելու գործով նրա նկատմամբ հեռակա մեղադրանքներ առաջադրելու մասին, նկատել է «Коммерсантъ» պարբերականը։
Նոր ավատարում գործարարը պատկերված է ահաբեկչի կերպարով։ Ինչպես նշում են օգտատերերը, նույն լուսանկարը Դուրովն արդեն օգտագործել էր 2017 թվականին «ВКонтакте» սոցիալական ցանցում․ այն ժամանակ այն նրա էջում հայտնվել էր տեխնիկական խափանումից հետո։
Ավելի վաղ Ռուսաստանի անվտանգության դաշնային ծառայությունը հայտարարել էր Դուրովին ահաբեկչությանն աջակցելու մեջ մեղադրանք առաջադրելու մասին։ Գերատեսչությունում պնդում են, որ Telegram-ը չի հեռացնում «բազմաթիվ ալիքներ, չաթեր և բոթեր», որոնք, ըստ Անվտանգության դաշնային ծառայության վարկածի, օգտագործում են ուկրաինական հատուկ ծառայությունները, ինչպես նաև ահաբեկչական և ծայրահեղական կազմակերպությունները։
«Коммерсантъ»-ի տեղեկություններով՝ մոտ ժամանակներս Մոսկվայի Լեֆորտովոյի դատարանը կարող է քննարկել Telegram-ի հիմնադրի հեռակա կալանավորման հարցը։