Անցած գիշեր թշնամական փոքր անօդաչու թռչող սարքեր են հայտնվել երկրի Հակաօդային պաշտպանության համակարգը գնահատելու համար, և Իրանի ՀՕՊ-ը ջախջախիչ պատասխան է տվել։ Դրա մասին հայտարարել է Իրանի խորհրդարանի Ազգային անվտանգության հանձնաժողովի անդամ Հեզրիանը, հաղորդում է Pars Today-ը։
«Իսլամական Հանրապետությունը պետք է հարձակողական պատասխան տա փոքր անօդաչու սարքերի հայտնվելուն, որպեսզի թշնամին այլևս չհամարձակվի նման գործողությունների դիմել»,- նշել է նա։
Հեզրիանը հավելել է, որ Արաբական Միացյալ Էմիրությունները համագործակցում է Իսրայելի հետ, և եթե պատերազմը վերսկսվի, Էմիրություններին առջևում «դառը և մռայլ օրեր են սպասվում»։