Ռուսաստանը կդիմի «ավելի ուժեղ ռազմական միջոցների» Ուկրաինայի դեմ պատերազմում, եթե Արևմուտքի կողմից ճնշումը շարունակվի․ CNN-ին տված հարցազրույցում ասել է Ռուսաստանի փոխարտգործնախարար Սերգեյ Ռյաբկովը։
«Ռիսկը մեծ է, և այն աճում է, և դա բավական անհանգստացնող է», – ասել է Ռյաբկովը՝ հավելելով, որ նման աշխարհաքաղաքական լարվածություն չկար անգամ «սառը պատերազմի ամենաթեժ պահին»:
ՌԴ փոխարտգործնախարարը նշել է, որ հակամարտությունը «կախարդական լուծում» չունի։ Նրա խոսքով՝ կա ողջամտության և «զսպվածության պակաս Արևմուտքում, մասնավորապես ԱՄՆ-ում, որտեղ, կարծես թե, թերագնահատում են ազգային անվտանգության մեր հիմնական շահերը պաշտպանելու մեր վճռականությունը»: