ԵՄ ինստիտուտների և Հունգարիայի միջև դիմակայության նոր փուլը կսկսվի հոկտեմբերին, երբ Եվրոպական խորհրդարանը Հունգարիայից կպահանջի չեղարկել ԼԳԲՏ-ի դեմ օրենքը։ Այս մասին հայտնել է Euronews հեռուստաալիքը։Այս տեղեկության համաձայն՝ հոկտեմբերին Եվրոպական խորհրդարանը Հունգարիա կուղարկի առաքելություն՝ գնահատելու, թե երկիրը որքանով է պահպանում եվրոպական նորմերը, այդ թվում՝ ԼԳԲՏ-ի դեմ օրենքի չեղարկման պայմանները։ Առայժմ Պետեր Մադյարի կառավարությունը չի պատրաստվում չեղարկել այդ օրենքը։ Առաքելության մասնակիցները Հունգարիայում կհանդիպեն նաև քաղաքացիական հասարակության և ոչ կառավարական կազմակերպությունների ներկայացուցիչների հետ՝ իրենց վերջնական զեկույցը ներկայացնելու համար։Եվրոպական խորհրդարանի առաքելությունը պետք է գնահատի, թե արդյոք կան պայմաններ՝ Եվրոպական միության մասին պայմանագրի 7-րդ հոդվածով Հունգարիայի դեմ ընթացակարգը դադարեցնելու համար, որը տեսականորեն կարող է հանգեցնել նրան, որ երկիրը զրկվի ԵՄ խորհրդում ձայնի իրավունքից՝ Եվրամիության «նորմերն ու արժեքները» խախտելու համար։ Հունգարիայի դեմ այս ընթացակարգը մեկնարկել էր 2018 թվականին՝ նախկին վարչապետ Վիկտոր Օրբանի կառավարության վրա ճնշում գործադրելու նպատակով։
2026-09-07