Հիվանդությունների վերահսկման եվրոպական կոմիտեն խորհուրդ է տվել հավանություն տալ Eisai-ի եւ Biogen-ի Leqembi դեղամիջոցին, որ նախատեսված է վաղ փուլում Ալցհեյմերի հիվանդության բուժման համար։ Այսպիսով, կոմիտեն չեղարկել է քառամսյա վաղեմության իր սկզբնական որոշումը, գրել է remedium-ը։
Եթե Եվրահանձնաժողովն ընդունի առաջարկը, Leqembi-ն կդառնա Եվրոպայում առաջին դեղամիջոցը նեյրոդեգեներատիվ այս հիվանդության բուժման համար։
Բժշկական կիրառման դեղամիջոցների կոմիտեն (CHMP) խորհուրդ է տվել թույլատրել դեղամիջոցի կիրառումը որոշ պացիենտների համար։
Eisai-ի եւ Biogen-ի հետազոտությանը մասնակցել են պացիենտներ, որոնք չեն ունեցել ApoE4 գենի պատճեններ կամ նույն պատճենի կրիչներ։ Առաջին եւ երկրորդ դեպքերում հիվանդությունը դրսեւորվում է ավելի վաղ տարիքում։ Հետազոտությանը մասնակցել են նաեւ գենի այդ տարբերակի երկու պատճենն ունեցող պացիենտներ։
Հուլիսին կենտրոնը մերժել էր արտադրողներին գրանցել Leqembi-ն նույն հիմնավորմամբ, որ ուղեղի լուրջ այտուցման վտանգը, որն առաջանում է այն ստանալիս, չի գերազանցում դեղամիջոցի աննշան օգուտը կոգնիտիվ խախտումների զարգացումը դանդաղեցնելու տեսակետից։
Կրկնակի հետազոտության արդյունքները ցույց են տվել, որ ApoE4 գենի պատճեն չունեցող պացիենտների կամ նույն պատճենի կրող հանդիսացողների մոտ հիվանդության խորանալու դանդաղումը գերազանցում է ուղեղի լուրջ այտուցման վտանգը։