ԱՄՆ ընտրված նախագահ Դոնալդ Թրամփը ենթադրել է, որ հեռախոսազրույց կունենա ՌԴ նախագահ Վլադիմիր Պուտինի հետ։
Թրամփը լրագրող Քրիսթեն Ուելքերին հայտնել է, որ իր ընտրվելուց հետո խոսել է աշխարհի շուրջ 70 ղեկավարի հետ։
NBC News-ի լրագրողը հիշեցնում է, որ Թրամփը բազմիցս ասել է, որ 24 ժամում վերջ կդնի Ռուսաստանի և Ուկրաինայի միջև հակամարտությանը, ինչը, շատերի կարծիքով, նշանակում է, որ Ուկրաինան ստիպված կլինի որոշ տարածքներ զիջել։ Թրամփը հրաժարվել է ասել՝ արդյոք հավատում է, որ կարող է իրագործել իր ասածը։