Ի պատասխան Իրանի միջուկային ծրագրի վերաբերյալ ՄԱԳԱՏԷ-ի Կառավարիչների խորհրդի բանաձևի՝ Իրանի Ատոմային էներգիայի կազմակերպության ղեկավարը հրահանգել է արդյունավետ միջոցներ ձեռնարկել, այդ թվում՝ տարբեր տեսակի զգալի թվով նոր և ժամանակակից ցենտրիֆուգների գործարկում:
ԻՌՆԱ-ի հաղորդման համաձայն՝ այս քայլերն արվում են երկրի շահերը պաշտպանելու և խաղաղ միջուկային էներգիայի հետագա զարգացման համար՝ ազգային աճող կարիքներին համապատասխան:
Իրանի ատոմային էներգիայի կազմակերպությունը (AEOI) և Իրանի արտաքին գործերի նախարարությունը հանդես են եկել համատեղ հայտարարությամբ, որում սուր քննադատության են ենթարկել ԱԷՄԳ-ի որոշումը՝ ուղղված երկրի խաղաղ միջուկային ծրագրի դեմ։
Բանաձևն այն անվանում է քաղաքականապես մոտիվացված, անիրատեսական և հակաարդյունավետ:
Հայտարարության մեջ նաև ընդգծվում է, որ Իրանը հաստատակամ է մնում իր սկզբունքային քաղաքականությունը՝ պաշտպանելու իրանցի մեծ ազգի իրավունքները և շահերը և զարգացնում է իր միջուկային ծրագիրը խաղաղ նպատակներով։