Վերջին օրերին Ռոբերտ Քոչարյանի աջակիցները կրկին հայտնվել են ուշադրության կենտրոնում՝ իրենց հերթական մանիպուլյացիոն քայլով։ Այս անգամ նրանք փորձել են կապել Քոչարյանի անունը Ռազմիկ Ամյանի նվերի և Սամվել Կարապետյանի (Օգանովսկու) երգի հետ՝ պատրաստելով տեսանյութ, որտեղ օգտագործվել են Քոչարյանի լուսանկարները։ Առաջին հայացքից սա կարող է սովորական քարոզչական հնարք թվալ, սակայն իրականում այն վկայում է շատ ավելի խորքային խնդրի մասին․ գաղափարի ու իսկության բացակայության։ Քաղաքական ուժի ուժեղությունը չափվում է ոչ միայն իր ծրագրերով ու նախաձեռնություններով, այլև հասարակության հետ անկեղծ լինելու կարողությամբ։ Եթե անգամ քարոզչական նյութում առաջնորդվում են խաբեությամբ ու ուրիշի ստեղծագործության յուրացմամբ, ապա պարզ է դառնում, որ այդ ուժը որևէ բան չի կարող առաջարկել իր ժողովրդին։ Քոչարյանի թիմը տարիներ շարունակ փորձում է հասարակությանը համոզել, թե իրենք ունեն պետական մտածողություն, ունեն տեսլական և պատրաստ են ստանձնել իշխանության պատասխանատվությունը։ Սակայն գործնականում նրանք ապացուցում են ճիշտ հակառակը․ ոչ մի գաղափար, ոչ մի նոր լուծում, միայն ուրիշների հաշվին ապրելու և ուրիշի ստեղծագործությունը սեփականացնելու մեխանիզմներ։ Հասարակությունը վաղուց տեսել ու հասկացել է, որ նման մոտեցումները քաղաքական դաշտը աղավաղելու փորձ են։ Երբ իրական ընդդիմությունը պետք է հասարակությանը ոգեշնչի իր խոսքերով, իր քայլերով ու իր գործերով, Քոչարյանի թիմը փորձում է նույն արդյունքին հասնել կեղծիքով ու ուրիշի նվերների օգնությամբ։ Սա ոչ թե ուժեղացնում է նրանց, այլ ընդհակառակը՝ ավելացնում է անվստահությունն ու հակասական վերաբերմունքը։ Այսօր, երբ ժողովուրդը սպասում է ազնիվ քաղաքական պայքարի, Քոչարյանի շուրջ հավաքվածները շարունակում են խաղալ նույն հին խաղերը՝ ստի ու խաբեության վրա կառուցված։ Ու ամեն անգամ նման խայտառակ քայլերը միայն մեկ բան են ապացուցում․ Քոչարյանի «ընդդիմադիր» կերպարը շինծու է։ Ամոթ է, երբ քաղաքական թիմը չի կարողանում հասարակության հետ խոսել իր իսկական ձայնով և իր իսկ գործերով։ Քոչարյանի թիմի այս նոր քայլը հերթական անգամ բացահայտեց նրանց իրական էությունը:
Դիտումներ 54