Վարույթը նախաձեռնվել է հունիսի 17-ին, ինձ կարող էին հանգիստ մեկուսի ձերբակալել ամսի 17-ից մինչև 26-ը:

«Վարույթը նախաձեռնվել է հունիսի 17-ին, ինձ կարող էին հանգիստ մեկուսի ձերբակալել ամսի 17-ից մինչև 26-ը։ Բայց նրանք գիտակցաբար կամ անգիտակցաբար, ավելի հակված եմ առաջինին, որոշեցին ամսի 27-ին այս մասկի շոուն կազմակերպել, բայց չստացվեց»։ Այս մասին Մայր Աթոռում լրագրողների հետ զրույցում ասաց Շիրակի թեմի առաջնորդ Միքայել Սրբազանը՝ շնորհակալություն հայտնելով հոգևորականներին՝ այդ թվում Վեհափառին, և քաղաքացիներին՝ նրանց ցուցաբերած վերաբերմունքի համար։
«Հիմա նրանք հասկացել են ու նահաջել, և ավելորդ է երկրորդ անգամ թույլ տալ, որ մտնեն Մայր Աթոռի տարածք և պղծեն։ Ես որևիցե բանից չեմ վախենում, այս մեղադրանքը շինծու, ապօրնի մեղադրանք է։ Ես երբեք չեմ թաքնվել, իմ ասածներից էլ չեմ հրաժարվում։ Ասել եմ՝ լավ եմ արել, շարունակելու եմ նույն ոգով»ասաց Սրբազանը։
Միքայել Սրբազանը խնրդեց հոգևորականներին ու քաղաքացիներին՝ իրեն թույլ տալ ներկայանալ Քննչական կոմիտե։ Քաղաքացիները հայտնեցին, որ համաձայն չեն, որ Սրբազանը գնա Քննչական կոմիտե և շրջապատեցին նրա մեքենան, ապա ուղեկցեցին Միքայել Սրբազանին դեպի Վեհարան։