Իսրայելի և Համասի միջև բանակցությունների նոր փուլն ավարտվել է առանց որևէ առաջընթացի և երկու պաղեստինյան աղբյուրներ The Telegraph-ին հայտնել են, որ իսրայելական պատվիրակությունը իրական լիազորություններ չի ունեցել համաձայնագիրը ստորագրելու համար։
Կիրակի օրը Կատարում վերսկսվել են բանակցությունները՝ Բենիամին Նեթանյահուի Սպիտակ տուն կատարած երրորդ այցից առաջ, որը տեղի է ունեցել Դոնալդ Թրամփի՝ հունվարին իշխանության վերադառնալուց հետո։
«Դոհայում կայացած անուղղակի բանակցությունների առաջին փուլից հետո պարզ է դարձել, որ իսրայելական կողմը լիազորված չէ համաձայնություն ձեռք բերել ՀԱՄԱՍ-ի հետ և նրա ձեռքում իրական լծակներ չկան», — նշել են աղբյուրները։
Նեթանյահուն հայտարարել է, որ իր թիմը ստացել է հստակ ցուցումներ՝ հասնել հրադադարի վերաբերյալ համաձայնության «այն պայմաններով, որոնք Իսրայելը արդեն ընդունել է»։ Նրա խոսքերով՝ Վաշինգտոնում ընթացող բանակցությունները «կարող են նպաստել Գազայում հրադադարի ուղղությամբ առաջընթացին»։
Դոնալդ Թրամփն, իր հերթին, ասել է, որ «այս շաբաթ» պատանդների փոխանակման վերաբերյալ համաձայնագրի «մեծ հավանականություն» կա և հավելել է, որ ԱՄՆ-ն Իսրայելի հետ համագործակցում է «շատ հարցերի շուրջ», ներառյալ «Իրանի հետ մշտական համաձայնագիրը»։