Լիբանանի նախագահ գեներալ Ջոզեֆ Աունը հայտարարել է, որ երկիրը այլընտրանք չունի, քան բանակցել Իսրայելի հետ՝ ընդգծելով, որ բանակցությունների լեզուն ավելի կարևոր է, քան պատերազմի լեզուն: Այս մասին ասվում է նախագահի գրասենյակի կողմից տարածված հայտարարության մեջ՝ ArabiToday-ի փոխանցմամբ:
Մեկնաբանելով Իսրայելի հետ հնարավոր բանակցությունները՝ Աունը նշել է, որ քաղաքականության մեջ կան երեք գործիքներ՝ դիվանագիտական, տնտեսական և ռազմական։
«Երբ պատերազմը ձախողվում է, ի՞նչ է կատարվում հաջորդիվ։ Աշխարհի յուրաքանչյուր երկրում ցանկացած պատերազմի ավարտը բանակցություններն են։ Եվ այդ բանակցությունները չեն վարվում ընկերոջ կամ դաշնակցի հետ, այլ հակառակորդի», — ասել է Աունը։