Մխիթարը պարզապես ընկեր չէր՝ հարազատ մարդ էր, ում մեջ զարմանալիորեն միախառնված էին տղայականությունը, հայրենասիրությունն ու ներքին անթերի մշակույթը. Արմեն Աշոտյան

ՀՀԿ փոխնախագահ Արմեն Աշոտյանը գրել է. «Մխիթարը պարզապես ընկեր չէր՝ հարազատ մարդ էր, ում մեջ զարմանալիորեն միախառնված էին դասական տղայականությունը, բացարձակ հայրենասիրությունն ու ներքին անթերի մշակույթը։ Կոփված կյանքով եւ не по годам խորը, ում բձոտ արտաքինը քողարկում էր մարդկային նրբազգաց էությունը։ Զենքը բռնում էր նույն հմտությամբ, ինչ գիրքը, իսկ հայհոյանքն ու կատակն անում միեւնույն ջիգյարով։ Ոգով՝ ինտելեկտուալ, առաքելությամբ՝ զինվոր, ով պատերազմ էր գնում ուրիշի կյանքերը փրկելու համար, բայց անտեսեց իր սեփական կյանքը։ Շփման մեջ թեթեւ՝ թանձր մարդ։ Իր հայրենիքին ու կուսակցությանը հավատարիմ նույնքան, որքան ընկերությանը։ Հանգչիր խաղաղությամբ, ընկեր Մխո եւ Մխո ընկեր…»։ Հիշեցնենք, որ երեկ հրազենային վնասվածք ստանալուց հետո այսօր հիվանդանոցում մահացել է  Հրանտ Մարգարյանի որդին՝ Մխիթար Մարգարյանը։