Red Magic-ը հրապարակել է իր նորագույն ֆլագմանի՝ Red Magic 10 Pro-ի բարձրորակ ռենդերային լուսանկարներ։ Snapdragon 8 Elite SoC պրոցեսորի վրա կառուցված նոր արտադրանքի պաշտոնական պրեմիերան կկայանա նոյեմբերի 13-ին։
Ավանդաբար սմարթֆոնը կառաջարկվի մի քանի գունային տարբերակներով՝ սև, մոխրագույն և կիսաթափանցիկ։ Էկրանի շրջանակը բավականին փոքր է, և կտրվածքներ չկան՝ առջևի տեսախցիկը թաքնված է էկրանի տակ: Դատելով նախնական տվյալներից՝ կորպուսի անկյունները մոտավորապես նույնպիսի կորություն կունենան, ինչպես ապագա Samsung Galaxy S25 Ultra-ի դեպքում։
Red Magic 10 Pro-ի բնութագրերի մասին շատ բան է հայտնի: Սմարթֆոնը կունենա 6,85 դյույմանոց էկրան՝ 1,5K կետայնությամբ և 144 Հց կադրերի հաճախականությամբ, 7050 մԱ/ժ հզորությամբ մարտկոց՝ 100 Վտ լիցքավորման աջակցությամբ և հովացման մեծ համակարգ՝ օդափոխիչով։
Սմարթֆոնի ավագ տարբերակը կունենա 24 ԳԲ օպերատիվ և 1 ՏԲ ներկառուցված հիշողություն։ Հզոր հովացման համակարգը Red Magic 10 Pro-ին թույլ է տվել AnTuTu հարթակի թեստերում ռեկորդ սահմանել՝ հավաքելով 3,11 միլիոն միավոր: