ԱՄՆ պետքարտուղար Մարկո Ռուբիոն բաց կթողնի դեկտեմբերի 3-ին Բրյուսելում ՆԱՏՕ-ի երկրների արտաքին քաղաքական գերատեսչությունների ղեկավարների հանդիպումը: Այս մասին հայտնում է Reuters գործակալությունը:
Տեղեկությունների համաձայն՝ Միացյալ Նահանգները հանդիպմանը կներկայացնի պետքարտուղարի տեղակալ Քրիստոֆեր Լանդաուն։
Գործակալությունը Ռուբիոյի բացակայությունը առաջիկա հանդիպումից անվանում է «խիստ անսովոր»՝ ընդգծելով, որ դա «ավելի շատ հարցեր կառաջացնի Վաշինգտոնի եվրոպական անվտանգության նկատմամբ հանձնառության վերաբերյալ»։
Գործակալությունը չի նշել Ռուբիոյի ՆԱՏՕ-ի արտաքին գործերի նախարարների հանդիպումից բացակայության պատճառը։
Նոյեմբերի 10-ին ՆԱՏՕ-ի մամուլի ծառայությունը հայտնել է, որ դաշինքի արտգործնախարարների հանդիպումը կկայանա դեկտեմբերի 3-ին Բրյուսելում, ծրագիրը համաձայնեցվում է: