Վաշինգտոնի քաղաքապետ Մյուրիել Բաուզերը դարձել է ԱՄՆ Արդարադատության նախարարության հակակոռուպցիոն հետաքննության առարկա՝ կապված 2023 թվականին Դոհա կատարած այցի հետ, որը ենթադրաբար ֆինանսավորվել է Կատարի կողմից, հաղորդում է The New York Times-ը (NYT)՝ հղում անելով աղբյուրներին, փոխանցում է rbc.ru-ն:
Ամիսներ տևող հետաքննությունը կենտրոնանում է կաշառակերության և քարոզարշավի ֆինանսավորման օրենքների հնարավոր խախտումների վրա։
Սակայն, ինչպես նշում է թերթը, դեռևս չկան ապացույցներ, որ քաղաքապետարանը Կատարից ստացել է որևէ արտոնյալ վերաբերմունք, ինչը անհրաժեշտ է կաշառակերության մեղադրանքների համար։
Քաղաքապետարանը հայտարարել է, որ Դոհա կատարած ուղևորությունը «գործնական» էր, և որ բոլոր փաստաթղթերը պատշաճ կերպով լրացված էին։
NYT-ը գրում է, որ հետաքննությունը սկսվել է WJLA հեռուստաալիքի այն հաղորդագրություններից հետո, որ Կատարն ավելի քան 61 հազար դոլար է վճարել Բաուզերի եւ այլ աշխատակիցների՝ Դոհա թռիչքի համար Դուբայում ՄԱԿ-ի Կլիմայի խորհրդաժողովից առաջ:
Այս ուղևորության վերաբերյալ լրագրողների հարցերին քաղաքապետարանը նախ պատասխանեց, որ այն վճարել է Կոլումբիայի շրջանի առևտրի պալատը: Այնուհետև քաղաքապետարանը հայտարարեց, որ ուղևորության ծախսերը հոգացել է ԱՄՆ -ի քաղաքապետերի համաժողովը, որը անկուսակցական կազմակերպություն է, որը միավորում է համեմատաբար խոշոր քաղաքների ղեկավարներին: Սակայն ավելի ուշ պարզվել է, որ համաժողովի կազմակերպիչները վճարել են ծախսերի միայն մի մասը։
Վաշինգտոնի քաղաքապետի դեմ հետաքննությունը, ըստ NYT-ի, սկսվել է այն բանից հետո, երբ ԱՄՆ նախագահ Դոնալդ Թրամփը հրապարակավ պահանջել է, որ Արդարադատության նախարարությունը քրեական հետապնդում իրականացնի իր ենթադրյալ թշնամիների դեմ և ազատել է այն դատախազներին, որոնք հրաժարվել են կատարել պահանջը։