Պապական կուրիան այլևս չի պահանջի լատիներենի օգտագործումը որպես պարտադիր փաստաթղթային լեզու, հայտնում է DW-ն։
«Կուրիայի մարմինները, որպես կանոն, իրենց ակտերը կազմում են լատիներենով կամ այլ լեզվով», — ասվում է Սուրբ Աթոռի գլխավոր վարչական մարմնի կանոնադրության նոր ձևակերպման մեջ, որին հղում է կատարում dpa լրատվական գործակալությունը։
Կաթոլիկ եկեղեցին վաղուց է թույլատրել Վատիկանից դուրս գտնվող ծխերին պատարագներ մատուցել իրենց մայրենի լեզուներով։ Հենց Պապական Աթոռում ամենատարածված լեզուն իտալերենն է, գրում է dpa-ն։ Միաժամանակ, վերջին տարիներին Հռոմը հավանություն չի տալիս Տրիդենտյան պատարագի մատուցմանը, որը հայտնի է կաթոլիկության ավանդապաշտների շրջանում և կարդացվում է լատիներենով։ Միևնույն ժամանակ, Վատիկանում վարդապետական ուղերձները մինչ օրս հրապարակվում էին հին հռոմեացիների լեզվով, նույնիսկ եթե դրանք ներառում էին ժամանակակից սահմանումներ։ Օրինակ, կլիմայի փոփոխությունը համապատասխան վարդապետության մեջ նկարագրվել է որպես «Climatis mutatio»։