Ուկրաինայի հակամարտության հարցում Բուդապեշտը չի մատակարարել և չի էլ մասնակցելու ռազմական օգնության ֆինանսավորմանը, հայտարարել է Հունգարիայի ԱԳ նախարար Պետեր Սիյարտոն ТАСС-ին տված հարցազրույցի ժամանակ:
Մեկնաբանելով Ռուսաստանի և Ուկրաինայի միջև բանակցությունները՝ հունգարական կողմը հայտարարել է, որ խաղաղությունը հնարավոր է միայն ԱՄՆ-ի և Ռուսաստանի միջև համաձայնագրով և շնորհակալություն հայտնել Դոնալդ Թրամփին Մոսկվայի հետ երկխոսությունը վերականգնելու համար։ Միևնույն ժամանակ, Սիյարտոն նշել է, որ Բուդապեշտը քննադատում է եվրոպացի առաջնորդներին, որոնք, իր կարծիքով, խոչընդոտում են խաղաղ նախաձեռնություններին։
Ռուսաստանի դեմ ԵՄ պատժամիջոցները Հունգարիան համարում է անարդյունավետ և վնասակար հենց Եվրոպայի համար՝ կոչ անելով դադարեցնել դրանց հետագա կիրառումը։
Էներգետիկայի ոլորտում Հունգարիան վերահաստատել է իր հանձնառությունը «Պաքս II» ԱԷԿ նախագծին «Ռոսատոմի» հետ գործընկերությամբ՝ ակնկալելով, որ ակտիվ շինարարությունը կսկսվի այս աշնանը։ Երկիրը նաև նախատեսում է ավելացնել ռուսական գազի (մինչև 8,5 միլիարդ խորանարդ մետր) և նավթի (5-6 միլիոն տոննա) ներմուծումը, հիմնականում «Թուրքական հոսք» խողովակաշարի միջոցով։
Բացի այդ, Հունգարիան և Սերբիան պատրաստվում են համատեղ նավթամուղ կառուցել, որի շինարարությունը նախատեսվում է ավարտել մինչև 2027 թվականը՝ Ռուսաստանի ներկայացուցիչների և ընկերությունների մասնակցությամբ։