Մեծ Բրիտանիան դադարեցնում է Վրաստանի կառավարությանն ուղղված բոլոր ծրագրերի աջակցությունը, ասված է Մեծ Բրիտանիայի արտգործնախարար Դեյվիդ Լամմիի հայտարարության մեջ։
«Վրացական իշխանությունների կողմից ցուցարարների և լրագրողների նկատմամբ բռնության ցնցող տեսարաններն անընդունելի են և պետք է դադարեցվեն։
Այս գործողությունները արատավորում են Վրաստանի միջազգային հեղինակությունը և հակասում են իր եվրոպական ապագայի նկատմամբ Վրաստանի սահմանադրական հավատարմությանը:
Այս զարգացումների լույսի ներքո Մեծ Բրիտանիան անհապաղ կդադարեցնի ծրագրային աջակցությունը Վրաստանի կառավարությանը, կսահմանափակի պաշտպանական համագործակցությունը «Վրացական երազանքի» կառավարության ներկայացուցիչների հետ այնքան ժամանակ, քանի դեռ չի դադարեցվել եվրոպական ժողովրդավարական նորմերից և ազատություններից այդ հեռացումը:
«Մեծ Բրիտանիան կշարունակի աջակցել Վրաստանի ժողովրդին իրենց երկրի ապագան ընտրելու իրավունքում»,- ասվում է Լամմիի հայտարարության մեջ: