Լեհաստանի վարչապետ Դոնալդ Տուսկը հայտարարել է, որ գիշերը խախտվել է Լեհաստանի օդային տարածքը։
«Ընթանում է գործողություն, որը կապված է Լեհաստանի օդային տարածքի բազմակի խախտումների հետ։ Զինված ուժերը կիրառել են սպառազինություն այդ օբյեկտների դեմ։ Ես մշտական կապի մեջ եմ նախագահի և պաշտպանության նախարարի հետ։ Ստացել եմ ուղիղ զեկույց օպերատիվ հրամանատարից», — գրել է Տուսկը X սոցիալական ցանցում:
«Զինված ուժերի օպերատիվ հրամանատարից հաղորդագրություն եմ ստացել անօդաչու թռչող սարքերի խոցման մասին, որոնք ներխուժել են մեր օդային տարածք և կարող էին վտանգ ներկայացնել: Գործողությունը շարունակվում է։ Ես ՆԱՏՕ-ի գլխավոր քարտուղարին տեղեկացրել եմ ստեղծված իրավիճակի և մեր օդային տարածքը խախտած օբյեկտների դեմ ձեռնարկված գործողությունների մասին։ Մենք մշտական կապի մեջ ենք»,-ավելի ուշ գրել է Տուսկը։