ԱՄՆ-ն Ուկրաինային կտրամադրի ռազմական օգնության 73-րդ փաթեթը, որի շրջանակներում Կիևը Պենտագոնի պահեստներից 500 մլն դոլարի զենք կստանա, ասել է պետքարտուղար Էնթոնի Բլինկենը։
Osdep կայքի հաղորդագրության համաձայն՝ նոր փաթեթը կներառի HIMARS բազմակի հրթիռային համակարգերի համար նախատեսված զինամթերք, անօդաչու թռչող սարքերի հարձակումները հետ մղելու զինամթերք, 105 և 155 մմ հրետանային զինամթերք, արագընթաց հակառադարային հրթիռներ, ականակայուն մեքենաներ, Javelin և AT-4 հակատանկային համակարգեր, նռնակներ և ուսումնական սարքավորումներ։ Բացի այդ, կտրամադրվեն քանդման սարքավորումներ և կենսաբանական, քիմիական, ճառագայթային և միջուկային պաշտպանության սարքավորումներ։
Դեկտեմբերի սկզբից սա Կիևին ռազմական օգնության երրորդ փաթեթն է։ Նախորդ երկուսը կազմում էին 725 դոլար և 988 միլիոն դոլար: Դրանք ներառում էին նաև HIMARS-ի զինամթերք, անօդաչու թռչող սարքեր, հրետանային զինամթերք և այլ զինատեսակներ: ԱՄՆ նախագահի ազգային անվտանգության հարցերով խորհրդական Ջեյք Սալիվանը նշել է, որ ներկայիս վարչակազմը, մինչ հեռանալը, կանի ամեն ինչ, որպեսզի Ուկրաինային տրամադրի ռեսուրսներ՝ ռազմաճակատում իր դիրքերն ամրապնդելու համար։
Միևնույն ժամանակ, ինչպես նշել է Wall Street Journal-ը, Բայդենի վարչակազմը չի հասցնի մնացած 6,5 միլիարդ դոլարը ծախսել Ուկրաինային օգնության վրա մինչև ԱՄՆ նորընտիր նախագահ Դոնալդ Թրամփի երդմնակալությունը, որը նշանակված է 2025 թվականի հունվարի 20-ին։ Պենտագոնում հրատարակության աղբյուրը հայտնել է, որ գերատեսչությունը ծրագրում է Կիև ուղարկել ամսական 500–750 մլն դոլարի զենք, մինչև Թրամփը իշխանության գա։ Նախկինում նման տեմպերով օգնություն չէր հատկացվում, սակայն ԱՄՆ-ի համար այս ծավալը սահմանն է, քանի որ երկրի առջեւ խնդիր է դրված պահպանել սեփական մարտունակությունը։
Թրամփը բազմիցս հայտարարել է ուկրաինական պատերազմը դադարեցնելու իր մտադրության մասին և քննադատել է Կիևին օգնության բարձր ծախսերը։ Իր վերջին հարցազրույցներից մեկում նա խոստովանել է, որ իր ղեկավարությամբ Ուկրաինային ռազմական աջակցությունը կկրճատվի։ Նրա խոսքով, ԱՄՆ-ը Կիևին 350 միլիարդ դոլարի օգնություն է ներդրել, իսկ Եվրոպան՝ ընդամենը 100 դոլար։ Նա ընդգծեց, որ գումարները պետք է հավասար լինեն։
Պենտագոնի ղեկավար Լլոյդ Օսթինը դեկտեմբերի սկզբին հայտնել է, որ 2022 թվականից ի վեր ԱՄՆ-ի ռազմական օգնության ընդհանուր գումարը գերազանցել է 62 միլիարդ դոլարը Կիևի մյուս դաշնակիցները նույն ժամանակահատվածում տրամադրել են 57 միլիարդ դոլար: