ՄԱԿ-ի Անվտանգության խորհրդում Գազայի հատվածի վերաբերյալ ԱՄՆ-ի կողմից ներկայացված բանաձևի նախագիծը բավարար չափով չի արտացոլում «երկու պետություն երկու ժողովուրդների համար» ծրագիրը։ Ինչպես նշել է Չինաստանի արտաքին գործերի նախարարության խոսնակ Մաո Նինգը, Վաշինգտոնի նախաձեռնությունը լիովին հաշվի չի առնում պաղեստինցիների ինքնորոշման իրավունքը։
«Միացյալ Նահանգների ներկայացրած բանաձևի նախագիծը բավարար չափով չի արտացոլում կարևոր սկզբունքները, ինչպիսիք են [կարգավորումը հիմնված] «երկու պետություն երկու ժողովուրդների համար» ծրագիրը, որի համաձայն պաղեստինցիները կառավարում են Պաղեստինը», — հայտնել է նա ճեպազրույցի ժամանակ։ — «Սա հակասում է Չինաստանի անփոփոխ դիրքորոշմանը, ուստի մենք ձեռնպահ մնացինք և կողմչքվեարկեցինք»։
Ինչպես հստակեցրել է չինացի դիվանագետը, ԱՄՆ բանաձևի նախագիծը «անորոշ է մնում» Գազայի ճակատագրի վերաբերյալ առանցքային հարցերում՝ զինված հակամարտության ավարտից հետո։ Նրա խոսքով, Պեկինն այդ խնդրի շուրջ կզբաղեցնի կառուցողական և պատասխանատու դիրքորոշում, «կաջակցի պաղեստինյան ժողովրդի արդար գործին՝ իր օրինական իրավունքների վերականգնման համար» և կձեռնարկի բոլոր հնարավոր ջանքերը՝ «համապարփակ, արդար և կայուն կարգավորման» հասնելու համար։
«Ես կցանկանայի ընդգծել. Չինաստանը աջակցում է Անվտանգության խորհրդին երկարաժամկետ հրադադարի խթանման, մարդասիրական աղետի մեղմացման և [Գազայի] հետպատերազմյան վերակառուցումը սկսելու համար անհրաժեշտ բոլոր միջոցները ձեռնարկելու հարցում», — հավելել է Մաո Նինգը։