Ընդդիմադիրների կողմից վերահսկվող Ազգային ասամբլեան (Հարավային Կորեայի խորհրդարան- խմբ.) պատրաստ է շաբաթ օրը քվեարկել նախագահի իմփիչմենթի միջնորդության վերաբերյալ, տեղեկացրել է Yonhap-ը։
Յուն Սոկ Յոլի իմփիչմենթի առաջին առաջարկությունը մերժվել էր անցած շաբաթ օրը քվորումի բացակայության պատճառով, քանի որ կառավարող խմբակցության գրեթե բոլոր օրենսդիրները բոյկոտել էին քվեարկությունը։ Առաջարկն ընդունելու համար պահանջվում է ձայների երկու երրորդը, ինչի համար անհրաժեշտ է կառավարող խմբակցության առնվազն ութ օրենսդիրների աջակցությունը։ Ուրբաթ օրվա դրությամբ յոթ օրենսդիրներ հրապարակայնորեն հայտնել են իրենց աջակցությունը Յունի իմփիչմենթին։
Գլխավոր ընդդիմադիր Դեմոկրատական կուսակցությունը եւ հինգ այլ երկրորդային ընդդիմադիր կուսակցություններ այս առաջարկը ներկայացրել են հինգշաբթի՝ հավաստիացնելով, որ Յունի հայտարարած ռազմական դրությունը խախտում է Սահմանադրությունը եւ այլ օրենքներ։
Միջնորդությունում ներառվել են հավաստիացումներ այն մասին, որ զորքերը եւ ոստիկանությունը փորձել են ձերբակալել օրենսդիրներին նախագահի ղեկավարությամբ։ Եթե միջնորդությունն ընդունվի, Սահմանադրական դատարանը որոշում կընդունի Յունին պաշտոնում վերականգնելու կամ հեռացնելու մասին։
Եթե դատարանի որոշումը հավանության արժանանա, Յունը կդառնա երկրորդ նախագահը, որը կենթարկվի իմփիչմենթի, նախկին նախագահ Պակ Կըն Հեից հետո 2017թ.։