2026 թվականի ֆուտբոլի աշխարհի առաջնությունը պատմության մեջ մտավ որպես ամենամասշտաբային մարզական իրադարձություններից մեկը: Առաջին անգամ մրցաշարն անցկացվեց ընդլայնված ձևաչափով՝ միանգամից երեք երկրների՝ ԱՄՆ-ի, Մեքսիկայի և Կանադայի համատեղ հյուրընկալությամբ, և համախմբեց 48 լավագույն հավաքականներ:Առաջնությունն աչքի ընկավ անզուգական դրամատիզմով, անակնկալներով և բարձրագույն մակարդակի մրցակցությամբ։ Եզրափակիչ հանդիպումը, որըկայացավ Նյու Ջերսիի MetLife Stadium մարզադաշտում, համախմբեց միլիոնավոր երկրպագուների ուշադրությունը:
Հուլիսի 19-ին կայացած գերլարված եզրափակիչում հանդիպեցին Եվրոպայի գործող չեմպիոն Իսպանիան և գործող աշխարհի չեմպիոն Արգենտինան: Հիմնական ժամանակում դարպասներն անառիկ մնացին (0-0), թեև իսպանացիներն ստեղծեցին բազմաթիվ պահեր:
Հաղթական և պատմական գոլը խփվեց լրացուցիչ ժամանակի 106-րդ րոպեին. փոխարինման դուրս եկած Ֆեռան Տոռեսը հստակ եզրափակեց գրոհը՝ բերելով Իսպանիային 1-0 հաշվով հաղթանակ: Այս հաղթանակով իսպանացիները կրկնեցին 2010 թվականի հաջողությունը և ամրապնդեցին իրենց դիրքերը համաշխարհային ֆուտբոլի էլիտայում:
Հաղթելով 2026 թվականի Աշխարհի գավաթը՝ Իսպանիայի հավաքականը դարձավ եվրոպական առաջին երկիրը պատմության մեջ, որը միաժամանակ տնօրինում է տղամարդկանց (2026) և կանանց (2023) Աշխարհի գավաթները։