Հարավային Կորեայի հարավարեւելյան Քիմհե քաղաքի ռազմակայանում պայթյուն է տեղի ունեցել։ Այս մասին տեղեկացրել է Yonhap գործակալությունը։
Հաղորդվել է երեք տուժածների մասին, որոնց ստացած այրվածքները կյանքին չեն սպառնում։ Նրանք զինծառայողներ չեն։ Yonhap-ի տվյալներով՝ պայթյունը հնչել է վերջերս տեղադրված ցիստեռնի ստուգման ժամանակ, այն նախատեսված էր վտանգավոր նյութեր պահելու համար Քիմհեի ռազմակայանի մատակարարման նպատակով։ Միջադեպի պատճառը դեռ հայտնի չէ։