Ռուսաստանցի եւ ամերիկացի դիվանագետները փետրվարի 27-ին Ստամբուլում կհանդիպեն՝ քննարկելու համար երկու երկրների դեսպանատների աշխատանքին առնչվող խնդիրները, հայտնել է ՌԴ ԱԳ նախարար Սերգեյ Լավրովը, փոխանցել է ՏԱՍՍ-ը։
«Հանդիպումը կկայանա վաղը Ստամբուլում»,- ասել է ՌԴ ԱԳ նախարարը Կատար կատարած այցից հետո կայացած մամուլի ասուլիսում։
«Հայտարարեցինք, որ մեր դիվանագետներն ու բարձր մակարդակի փորձագետները կհանդիպեն եւ կքննարկեն համակարգային խնդիրները, որոնք կուտակվել են նախորդ [ԱՄՆ] վարչակազմի անօրինական գործունեության արդյունքում՝ արհեստական խոչընդոտներ ստեղծելով ռուսական դեսպանատան գործունեության համար, ինչին մենք, բնականաբար, փոխադարձեցինք եւ նաեւ անհարմար պայմաններ ստեղծեցինք Մոսկվայում ամերիկյան դեսպանատան աշխատանքի համար»,- նշել է Լավրովը։