Եվրահանձնաժողովը քննադատել է Ռուսաստանում ընթացող Պետդումայի ընտրությունները՝ ռուսական իշխանություններին մեղադրելով «համակարգային և ինստիտուցիոնալացված ճնշումների» մեջ, որոնք ուղղված են այն բանին, որ ժողովրդավարական ընդդիմությանը թույլ չտրվի մասնակցել ընտրություններին, փոխանցել է Bild-ը։ Քվեարկությունն անցկացվում է սեպտեմբերի 18-20-ին։ Պատերազմի դեմ հանդես եկող շատ թեկնածուների թույլ չեն տվել մասնակցել ընտրություններին, իսկ «Յաբլոկո» կուսակցությունը, որը հանդես է գալիս Ուկրաինայում հրադադարի օգտին, հանվել է դաշնային ընտրություններից։ Բրյուսելում հայտարարել են, որ չեն ճանաչում ոչ քվեարկության անցկացումը, ոչ էլ դրա արդյունքները «Ռուսաստանի կողմից օկուպացված Ուկրաինայի տարածքներում»։ Կիևը նույնպես այնտեղ կազմակերպված ընտրություններն անօրինական է անվանել և ընդգծել, որ դրանք չեն փոխում Ուկրաինայի միջազգայնորեն ճանաչված սահմանները։